O Instituto Galego de Vivenda e Solo considera a dinamización do mercado do aluguer un dos seus obxectivos prioritarios. Por isto establece unha serie de medidas que axudan, tanto ao propietario coma ao demandante de vivenda de aluguer, a satisfacer as súas necesidades respectivas.

O Programa Aluga ten por obxectivo facilitar o acceso das familias a unha vivenda en réxime de arrendamento, e tamén dinamizar e ampliar o mercado incorporando ao mesmo vivendas baleiras.