PROCEDEMENTO

1º paso: A autopromoción de vivendas

2º paso: Prezos máximos vivendas

3º paso: Cumprimento dos requisitos para poder acceder as axudas

4º paso: Tipos de axudas

► 1º paso: A AUTOPROMOCIÓN DE VIVENDA PROTEXIDA

¿Que é a autopromoción?

Autopromoción é cando o propietario realiza a construción da súa propia vivenda. O Instituto Galego da Vivenda e Solo (en adiante IGVS) impulsa a autopromoción de vivendas de protección autonómica, mediante a concesión de axudas económicas .

¿Qué debe indicar na súa solicitude? Debes indicar que solicita:

1) A declaración provisional  de vivenda de protección autonómica para a vivenda que pretende construír, tendo en conta que, dependendo dos seus ingresos, hai 3 tipos de rexímenes de vivendas.

• Réxime especial. Se ten ingresos que non exceden de 2,5 veces o Indicador Público de Renda de Efectos Múltiples (IPREM).
• Réxime xeral. Se ten ingresos que non exceden de 4,5 veces o IPREM.
• Réxime concertado. Se ten ingresos que non exceden de 6,5 veces o IPREM.

Procedemento para o cálculo dos ingresos familiares :

Para o cálculo dos ingresos ponderados súmanse as casiñas 455 e 465 da última declaración da renda co prazo de presentación vencido.

Se algún membro da unidade familiar ten discapacidade ou a vivenda está situada nun ATPMS computará como se houbera un membro máis.

Nunha ficha aparte atopará a táboa de ingresos máximos

2) As axudas estatais.

¿Onde se presenta a solicitude?

Unha vez cuberta a solicitude xunto coa documentación requirida pode  enviala a través de:

• Os rexistros de calquera órgano administrativo da administración xeral do Estado, das Comunidades Autónomas, da Administración Local se subscribira o oportuno convenio
• As oficinas de correos.
• As representacións diplomáticas ou oficinas consulares de España no estranxeiro.

Ir ao comezo

► 2º paso: PREZOS MÁXIMOS DA VIVENDA

Hai que ter en conta o seguinte:

O prezo máximo da vivenda será o valor da edificación sumado ao do solo que figure na declaración de obra nova e incluirá os pagos que sexan imputables ao custe da vivenda, por ser precisos para levar a cabo a promoción e a individualización física e xurídica desta.

Se entenderán por gastos necesarios: os honorarios de xestión, os de escrituración e inscrición do solo, os de declaración de obra nova e división horizontal, así como os do préstamo hipotecario, seguros de percepción de cantidades a conta e outros análogos.

O prezo  máximo da vivenda non pode superar os prezos por m2 de superficie útil indicados nunha ficha aparte.

Ir ao comezo

► 3º paso: CUMPLIMENTO DOS REQUISITOS PARA PODER  ACCEDER AS AXUDAS

Para acceder ás axudas para autopromoción de vivenda protexida será preciso cumprir os seguintes requisitos:

• Non ser titular do pleno dominio ou dun dereito real de uso ou de desfrute sobre algunha  vivenda suxeita a protección pública en España.
• Tampouco poderá ser titular dunha vivenda libre, salvo que fora privado do seu uso por causas  que non lle fosen imputables ou cando o valor da vivenda ou o dereito sobre a mesma  determinado segundo o Imposto de Transmisións Patrimoniais exceda do 40% do prezo da vivenda que pretende construír.

Este límite pasará a ser do 60% nos seguintes supostos:

• Persoas maiores de 65 anos, persoas dependentes ou con discapacidade recoñecida e as familias que as teñan ao cargo.
• Familias numerosas, familias monoparentais con fillos, persoas separadas ou divorciadas o corrente do pago de pensións alimenticias ou compensatorias.
• Mulleres vítimas de violencia de xénero e vítimas do terrorismo.

• Que resida ou desenvolva a súa actividade laboral nun municipio da comunidade autónoma de Galicia.
• Non obtivera axudas financieiras nin préstamo convido para o mesmo tipo de actuación durante os dez anos anteriores a solicitude actual (non terán que cumprir este requisito as persoas separadas ou divorciadas ás que non se lles adxudicara a vivenda familiar, as mulleres vítimas de violencia de xénero, as vítimas do terrorismo, as persoas dependentes ou con discapacidade oficialmente recoñecida e as familias que as teñan ao seu cargo).
• Obter a cualificación definitiva de vivenda protexida.
• Dispoñer duns ingresos mínimos de 0,7 veces o IPREM. Nunha ficha aparte poderá ver a súa equivalencia en euros.
• Non superar os Ingresos familiares máximos dependendo do tipo de vivenda que constrúa: réxime especial 2,5 veces IPREM, réxime xeral  4,5 veces IPREM e réxime concertado 6,5 veces IPREM.

Ir ao comezo

► 4º paso: TIPOS DE AXUDAS QUE PODE SOLICITAR

Debe saber que:

Só poderá obter finaciamento para 90m2  de vivenda, e para 8m2 de rocho e 25m2 de garaxe ou anexo.

O dereito ao préstamo obtense coa declaración provisional da vivenda como protexida  e poderá ter un período de carencia que rematará na data da cualificación definitiva da vivenda e como máximo aos 4 anos da formalización do préstamo.

Para acollerse as axudas da Subsidiación e da Comunidade Autónoma é necesario:

• Ter a cualificación provisional da vivenda protexida de réxime especial ou xeral.
• Te formalizado o préstamo convido.
• Non pode ter sido propietario/a dunha vivenda salvo que fora privado do seu uso por causas que non lle fosen imputables, ou cando o valor da vivenda de acordo co Imposto de Transmisións Patrimoniais non exceda do 25% do prezo da vivenda que pretendes construír. Son excepcións deste suposto os seguintes casos:

1) O préstamo convido

Pode solicitar directamente o préstamo a calquera entidade de crédito colaboradora do Plan de Vivenda.

A contía máxima do préstamo será igual ao 80% do valor conxunto da edificación e do solo que constara na escritura de declaración de obra nova co límite de 90 metros cadrados para a vivenda, 25 metros cadrados para o garaxe ou anexo e 8 metros cadrados para o rocho.

O tipo de xuro será fixo ou variable, a elección do promotor.

O préstamo non terán comisión ningunha.

Estará garantido con hipoteca.

Prazo de amortización do préstamo: 25 anos como mínimo pero poderá ser obxecto de amortización anticipada. Poderá ter un período de carencia de 4 anos como máximo que finalizará coa cualificación definitiva.

2) A subsidiación do préstamo convido:

¿Qué é a subsidiación?

Consiste nun desconto da cota mensual do préstamo convido, que se concederá por un período inicial de 5 anos. Poderá ser renovado durante outros dous períodos de igual duración.

¿Quen pode obter a subsidiación?

Os promotores para uso propio de vivendas protexidas de nova construción de réxime especial ou xeral, que obtiveran o préstamo convido.

A subsidiación terá lugar cando se inicie a amortización do préstamo.

No cadro seguinte podemos ver as contías da subsidiación por cada fracción do préstamo de 10.000 euros:

AXUDAS COMUNIDADE AUTÓNOMA :

Pode solicitar as axudas da Comunidade Autónoma cando estea aberta a convocatoria anual mediante o modelo de solicitude que aparece na paxina web e que tamén pode obter nas oficinas de información do IGVS e achegando a documentación que se indica.

Réxime legal das vivendas

Destino. A vivenda deberá destinarse a residencia habitual e permanente do seu propietario.

Duración. O réxime de  protección das vivendas estenderase como mínimo por 30 anos.

Transmisión da propiedade :

Non poderá transmitir a propiedade da vivenda ata que transcorran polo menos 10 anos desde cualificación definitiva.

Transcorridos 10 anos desde a cualificación definitiva, a transmisión da vivenda provocará que o préstamo perda a condición de convido e que a entidade de crédito poda resolvelo.

A venta destas vivendas so poderá efectuarse a persoas que cumpran cos requisitos establecidos e por un prezo máximo fixado polo IGVS.

As vivendas estarán sometidas ós dereitos de adquisición preferente, tanteo e retracto da administración.